George Panjara
ജോർജ്ജ് പാഞ്ഞാറ

Singer and Composer of Christian Classical Music in Malayalam

സംഗീതസിദ്ധിയും രചനാപാടവവും ഒന്നിച്ചു ചേർന്ന ചുരുക്കം കലാകാരന്മാരിലൊരാളാണ് ശ്രീ ജോർജ്ജ് പാഞ്ഞാറ. തന്റെ ഗുരുഭൂതനായ ശ്രീ കെ. ജി. ബാലകൃഷ്ണൻ നായരിൽ നിന്നു ലഭിച്ച സംഗീത പരിശീലനമുപയോഗിച്ച് അവതരണത്തിലും രചനയിലും തനതായ ശൈലി കണ്ടെത്താൻ പരിശ്രമിക്കുകയാണദ്ദേഹം. കർണ്ണാടക സംഗീത ശൈലിയിൽ സ്വരപ്പെടുത്തിയിരിക്കുന്ന ശ്രീ ജോർജ്ജിന്റെ ക്രൈസ്തവ കീർത്തനങ്ങൾ കേരളത്തിന്റെ സംഗീത സാംസ്കാരികസമ്പത്തിന് മുതൽ കൂട്ടുന്നു; ക്രൈസ്തവ ഭക്തിഗാനത്തിന് പുതിയ സരണി വെട്ടി തുറക്കുന്നു. ശ്രീ ജോർജ്ജിന്റെ ഈ പരിശ്രമം അർഹമായ അംഗീകാരം നേടുമെന്നതിന് സംശയമില്ല.

പക്വതയാർന്ന ശബ്ദവും ഉച്ചാരണശുദ്ധിയും ശ്രീ ജോർജ്ജിന്റെ പ്രത്യേകം എടുത്തു പറയേണ്ട സവിശേഷതകളാണ്.

പൂർണ്ണമായും ക്രൈസ്തവ രചനകളടങ്ങിയ ഒരു സംഗീതക്കച്ചേരി നാളിതുവരെ ഒരു സ്വപ്നമായിരുന്നു. ഇപ്പോഴിതാ ആ സ്വപ്നം സാക്ഷാത്കരിക്കപ്പെടുന്നു.

ശ്രീ ജോർജ്ജിന് അഭിനന്ദനങ്ങൾ ! ആശംസകൾ !!


ജോസെഫ് പാലയ്ക്കൽ C M I
ഡയറക്ടർ, നാദോപാസന
തൊടുപുഴ-685584
20-April-1986
Archived Program Brochure